टाउकोको नसा सम्बन्धी रोगबाट पीडित सिंगौलकी सरिता राना मगरको उपचारका लागि आर्थिक सहयोगको अपिल

बारा–बारा जिल्लाको निजगढ नगरपालिका–२, भरतगञ्ज सिङ्गौलकी ४३ वर्षीया सरिता राना मगरको गम्भीर टाउकोको नसा सम्बन्धी रोगबाट पीडित भई हाल काठमाडौंस्थित केएमसी अस्पतालमा उपचार भईरहेको छ ।

चिकित्सकका अनुसार उहाँलाई दायाँ पारिएटल भागमा रहेको AVM (Arteriovenous Malformation) फुटेर भएको रगत जम्ने (Right FTP Hematoma) का कारण मस्तिष्कमा दबाब (Mass Effect) र मिडलाइन सिफ्ट देखिएको थियो । उक्त गम्भीर अवस्थाका कारण उहाँलाई अस्पतालमा भर्ना गरी उपचार सुरु गरिएको हो ।

उपचारको क्रममा मिति २०८२/१०/०४ देखि उहाँमा दायाँ तर्फ RTP DC गरी हेमाटोमा हटाउने (Hematoma Evacuation) तथा Lax Duraplasty शल्यक्रिया सफलतापूर्वक सम्पन्न गरिएको अस्पताल स्रोतले जनाएको छ । हाल उहाँलाई थप उपचारका लागि Embolization गर्ने योजना रहेको छ ।

लामो र खर्चिलो उपचारका कारण सरिता राना मगरको परिवारको आर्थिक अवस्था अत्यन्त कमजोर बन्दै गएको बताइएको छ । यसैबीच निजगढ नगरपालिका वडा नं. २ का वडा अध्यक्ष राजन श्रेष्ठले पीडित परिवारको आर्थिक अवस्था नाजुक रहेको भन्दै उपचारका लागि सहयोग गरिदिन सबैमा हार्दिक अपिल गर्नुभएको छ ।

वडा अध्यक्ष श्रेष्ठले मानवीय संवेदनालाई आत्मसात् गर्दै औषधि उपचारका लागि आर्थिक सहयोग गरिदिन सर्वसाधारण, संघ–संस्था तथा सहयोगी मनहरूलाई आग्रह गर्नुभएको छ ।

उनका पारिवारिक सदस्य लालबहादुर दलार्मीले आर्थिक सहयोग संकलन अभियान सुरु गरिएको जनाएका छन् । उनले सहयोगी मनहरुले माछापुच्छे« बैंकको खाता नं. 1240081852800011 मा जम्मा गरिदिन आग्रह गरेका छन् ।