निजगढमा नेपाल महिला संघद्वारा तीज विशेष शुभकामना आदान–प्रदान कार्यक्रम सम्पन्न

बारा–हिन्दु नारीहरूको महान चाड हरितालिका तीजको अवसरमा नेपाल महिला संघ, निजगढ नगर कार्यसमितिले विशेष शुभकामना आदान–प्रदान तथा दर कार्यक्रम सम्पन्न गरेको छ ।

निजगढ नगर उद्योग वाणिज्य संघको सभाहलमा सम्पन्न कार्यक्रममा महिला सदस्यहरूको उल्लेखनीय उपस्थिति रहेको थियो ।

सहभागीहरूले दर खाने परम्परा संगसँगै सांस्कृतिक प्रस्तुतिहरूमार्फत तीज पर्वको महत्व झल्काएका थिए ।

कार्यक्रमलाई सम्बोधन गर्दै मधेस प्रदेशकी सांसद मीना लामाले तीज पर्वले महिलाबीच एकता, सद्भाव र आत्मबल वृद्धिमा महत्वपूर्ण योगदान पुर्‍याउने विश्वास व्यक्त गरिन् ।

कार्यक्रममा प्रमुख अतिथि माननीय मिना लामा, विशिष्ट अतिथि निर्वाचित वडा नं. ४ सदस्य तथा नगर कार्यपालिका सदस्य मिना चौरेल, नगर कार्यपालिका सदस्य सर्मिला विक, अतिथि उषा माया थापा, कल्पना खरेल, चन्दा लामा, सुन माया लामा, सावित्री भारती र धनमाया दर्लामीलगायतको सहभागिता रहेको आयोजकले जनाएको छ ।

संघकी नगर सभापति विष्णु नेपालकाे सभाध्यक्षता भएको कार्यक्रममा नेपाल महिला संघ नगर सचिव चन्द्रिका कुमारी मगरले सञ्चालन र संघकी सदस्य रुपा घलानले स्वागत मन्तव्य व्यक्त गरेकी थिईन् ।