साथी सहकार्य युवा क्लबको सहकार्य तथा महालक्ष्मी विकास बैंकको सहयोगमा नेराआवि लालका विद्यार्थीलाई व्याग वितरण

बारा–साथी सहकार्य युवा क्लबको सहकार्य तथा महालक्ष्मी विकास बैंकको संस्थागत सामाजिक उत्तरदायित्व कार्यक्रम अन्तर्गत १३८ थान विद्यालय ब्याग वितरण गरिएको छ ।

बाराको निजगढ नगरपालिका–१० लालस्थित श्री नेपाल राष्ट्रिय आधारभूत विद्यालयमा अध्ययनरत विद्यार्थीहरूलाई शैक्षिक सामग्री सहयोग स्वरूप ब्याग वितरण गरिएको हो । कार्यक्रममा विद्यालयका विद्यार्थी, शिक्षक, अभिभावक तथा स्थानीय समाजसेवीहरूको उपस्थिति रहेको थियो ।

कार्यक्रममा विद्यालय व्यवस्थापन समितिका अध्यक्ष सिद्धार्थ लोप्चन, प्रधानाध्यापक राम पुकार प्रसाद, क्लबका अध्यक्ष विपुल लामा लगायतको उपस्थिति रहेको थियो ।

त्यस्तै बैंकका निजगढ शाखा प्रमुख अकाश चन्द्र चौधरी, शाखा संचालक तथा कर्जा विभाग अनिल चौधरी र ग्राहक सेवा विभाग शिव नरायण चौधरी

आयोजकले सामाजिक उत्तरदायित्व अन्तर्गत शिक्षा क्षेत्रमा सहयोग पुर्‍याउने उद्देश्यले उक्त सामग्री वितरण गरिएको जनाएको छ । उनीहरूले आगामी दिनमा पनि विद्यार्थीहरूको शैक्षिक विकास तथा सामाजिक हितका कार्यक्रमलाई निरन्तरता दिने प्रतिबद्धता व्यक्त गरेका छन् ।