ओलीले अदालतको निर्णयलाई परमादेशको सरकार भनेर अवहेलना गरे –देवेन्द्र पौडेल

काठमाडौंक ।नेकपा (एमाले) का अध्यक्ष केपी शर्मा ओलीले अदालतको निर्णयलाई अवहेलना गरेको शिक्षा, विज्ञान तथा प्रविधि मन्त्री देवेन्द्र पौडेलले आरोप लगाएका छन् । आज ताराखोला गाउँपालिकामा चुनावी कार्यक्रमलाई सम्बोधन गर्दै उनले केपी ओलीले अदालतको निर्णयलाई परमादेशको सरकार भनेर अदालतको अवहेलना गरेको आरोप लगाएका हुन् ।

उनले जनप्रतिनिधिको सर्वोच्च थलोलाई होच्याउने र अपमान गर्ने काम केपी ओलीले गरेको जिकिर गरेका छन् । उनले संविधानमा कार्यपालिका, व्यवस्थापिका र न्यायपालिकालाई छुट्टै प्रकारको अधिकार दिएको बताएका छन् । व्यवस्थापिकाले कानुन निर्माण गर्छ, कार्यपालिकाले कार्यान्वयन गर्छ र कहीँ कतै संविधान र कानुनमा अवरोध भयो भने त्यसको व्याख्या र रक्षा गर्ने काम न्यायपालिकाको हो,’ उनले भने, ‘न्यायपालिकाले गरेको निर्णयको ओलीले अवहेलना गरे ।’