सुनाखरी साना किसान कृषि सहकारी रतनपुरको १४ औं वार्षिक साधारण सभा सम्पन्न

बारा–बाराको निजगढ–११ रतनपुरस्थित सुनाखरी साना किसान कृषि सहकारी संस्था लि. को १४ औं वार्षिक साधारण सभा शनिबार सम्पन्न भएको छ ।

साधारण सभाको जेष्ठ सेयर सदस्य जमान सिंह घलान र पुराना सेयर सदस्य निरञ्जन रिसालले गमलामा जलसेचन गरेर उद्घाटन गरेका थिए ।

साधारण सभामा अध्यक्ष दाहालले संस्थाको वार्षिक प्रतिवेदन, लेखा प्रतिवेदन खुसनन्दन कुँवर र आर्थिक प्रतिवेदन शर्मिला खत्रीले प्रस्तुत गरेका थिए ।

संस्थाको सभाहलमा संस्थाका अध्यक्ष शान्तबहादुर दाहाल सागरको सभाअध्यक्षतामा भएको कार्यक्रममा सञ्चालन रविना कुमारी चौधरी र स्वागत मनमाया श्रेष्ठले गरेकी थिईन् ।

साधारण सभामा सेयर सदस्य निरञ्जन रिसालले शुभकामना मन्तव्य व्यक्त गरेका थिए ।

साधारण सभाका अवसरमा विभिन्न विद्यामा उत्कृष्ट भएका सेयर सदस्यलाई सम्मान गरिएको छ ।
आर्थिक वर्ष २०८१/८२ को उत्कृष्ट बचतकर्ता सम्मान घमण्डबहादुर राउत, उत्कृष्ट ऋणी जमान सिंह घलान, उत्कृष्ट बालवचत रोहान मिया चुरिहार र उत्कृष्ट आवाधिक बचतकर्ता फुलमाया थिङलाई सम्मान गरिएको छ ।

त्यसैगरि उत्कृष्ट समूहको सम्मान समूह नम्बर ८ ले प्राप्त गरेको छ । समूहका अध्यक्ष सोनिया मोक्तान, कोषाध्यक्ष बीरमाया थिङ, सचिव बिना मोक्तान, सदस्य दीक्षा मुक्तान, सरस्वती थिङ, धनमाया थिङ, अन्जली थिङलाई संस्थाले सम्मान गरेको छ ।

कार्यक्रममा बालबालिकाहरूले नृत्यसमेत प्रस्तुत गरेका थिए ।

साधारण सभामा प्रस्तुत प्रस्तावलाई सभाले सर्वसम्मत रुपमा पारित गरेको अध्यक्ष दाहालले घोषणा गरेका थिए ।