काेल्हवीमा स्कुल बसमा हावा भर्नेक्रममा ट्याङ्की पड्कियाे, दुई जना घाइते
वि.सं.२०८० वैशाख २८ बिहीवार १६:५०
1.91K
shares
बारा-बाराकाे कोल्हवी नगरपालिका-६ अधनवा बजारमा स्कुल बसमा हावा भर्नेक्रममा ट्याङ्की पड्किदा दुई जना घाइते भएका छन् ।
उमाशंकर चौधरीले सञ्चालन गरेको चौधरी मोटरसाइकल वर्क सपमा युनिसन बोर्डिङ स्कुलकाे बसमा हावा भर्ने ट्याङ्की पड्किएकाे प्रहरीले जनाएको छ ।
हावा भर्ने ट्याङ्की पड्किदा काेल्हवी-१ का ३० वर्षिय बसका चालक मुना चाैधरी र साहि ठाउँका २१ वर्षिय बसका सहचालक प्रदिप चाैधरी घाइते भएकाे ईलाका प्रहरी कार्यालय काेल्हवीले जनाएको छ । उनीहरुको वीरगन्जमा उपचार भईरहेकाे छ ।
ट्याङ्की पड्किदा बसमा क्षति पुगेकाे छ । बसकाे सिसा फुटेकाे प्रहरीले जनाएको छ । त्यस्तै बजरङ्गी खाद्यान्न उद्याेगमा समेत ठूलो क्षती भएको छ । किशोरी साह कलवारको घरमा क्षती पुगी अन्दाजी ४ लाख बराबरको क्षती भएको कलवारले बताएका छन् ।
वि.सं.२०८० वैशाख २८ बिहीवार १६:५०
