नवलपरासीको नहरमा अर्को शव पनि भेटियो

रुपन्देही । नवलपरासीको गण्डक नहरमा फेरी अर्को शव फेला परेको छ । सोमबार दिउँसो नहरमा एक जना अपरिचित युवाको शव फेला परेकोमा साँझ फेरी त्यसैको नजिक अर्को पनि शव फेला परेको प्रहरीले जनाएको छ ।

अन्दाजी ४०/४५ वर्षीय पुरुषको शव भएपनि पहिचान हुन नसकेको पश्चिम नवलपरासीका प्रहरी प्रवक्ता डिएसपी प्रेमबहादुर शाहीले बताए ।

दुवै शवलाई पानीबाट निकाली पोष्टमार्टमका लागि पृथ्वीचन्द्र अस्पताल लगिएको र घटनाको थप अनुसन्धान भइरहेको प्रहरीले जनाएको छ ।