बागदेव दुग्ध उत्पादक सहकारी संस्थाको नयाँ कार्यसमिति चयनको लागि १२ गते निर्वाचन कार्यतालिका सार्वजनिक हुने

बारा–बाराको निजगढ–६ स्थित बागदेव दुग्ध उत्पादक सहकारी संस्थाको नयाँ कार्यसमिति चयनको लागि पुष १२ गते निर्वाचन कार्यतालिका सार्वजनिक हुने भएको छ ।

संस्थाको शनिबार १३ औं साधारण सभामा सम्पन्न भएसँगै नयाँ कार्यसमिति, लेखा समिति चयनका लागि निर्वाचन समितिले आईतबार कार्यतालिका सार्वजनिक गरेको हो ।

सहकारी ऐन, २०७४ को दफा ४१ र ४८ तथा निजगढ नगरपालिकाको सहकारी ऐन, २०७६ को दफा ३० र ३७ को प्रयोजनार्थ संचालक समिति र लेखा सुपरीवेक्षण समितिको निर्वाचनको लागि गठित निर्वाचन समितिका संयोजक अजय कुमार उप्रेतीले सूचना प्रकाशित गरेका हुन् ।

७ पौषमा बसेको बैठकको निर्णयानुसार निर्वाचन समितिले संस्थाको निर्वाचन प्रक्रियासँग सम्बन्धित आकर्षित हुने प्रचलित ऐनहरु, नियमावली, संस्थाको निर्वाचन नीति, र अन्य आवश्यक प्राविधिक तयारी पुरा गरी निर्धारित समितिहरुको निर्वाचन कार्यतालिका १२ गते सार्वजनिक गरिने सूचनामा उल्लेख छ ।