skip this farak Kura Pravakar

यी हुन् मधेश प्रदेश सभाका संसदीय समिति सभापति

बाराका दुई जना सभापति

951 shares
oil-nigam-amlekhgunj-adv.jpeg

जनकपुरधाम-मधेश प्रदेश सभामा सातवटै संसदीय समितिको सभापति चयनले पूर्णता पाएको छ । बाँकी २ संसदीय समितिको सभापति चयन भएपछि संसदीय समितिले पूर्णता पाएको हो ।

बाँकी रहेको प्रदेश मामिला समितिको सभापतिमा नेकपा एकीकृत समाजवादी पार्टीबाट रतनेश्वर गोईत यादव र कृषि तथा भुमी व्यवस्थापन समितिको सभापतिमा काँग्रेसका संजय कुमार महतो निर्विरोध सभापति चयन भएको प्रदेशसभा सचिवालयले जनाएको छ ।

यसअघि २ असारमा अन्य पाँच दलबाट पाँचवटा संसदीय समितिको सभापति सहमति मै चयन गरिएको थियो ।

सार्वजनिक लेखा समितिको सभापतिमा प्रमुख प्रतिपक्षी नेकपा एमालेकी मञ्जु थापा, विकास समिति सभापतिमा जसपाका शारदा शंकरप्रसाद कलवार, महिला बालबालिका तथा सामजिक न्याय समितिमा लोसपाकी रुपा कुमारी यादव, अर्थ तथा योजना समितिमा सतिशकुमार सिंह र प्राकृतिक स्रोत तथा वातावरण समितिमा माओवादी केन्द्रकी शारदा पहाडी सभापति चयन भइसकेका छन् ।

प्रदेश सभामा एक बढी संसाद रहेका ७ दलले एक/एकवटा संसदीय समिति लिने सहमति भएपछि सभापति चयन गरिएको हो ।

बाराका दुई जना सभापति

मधेसको ७ वटा समितिमा दुई वटा समितिको नेतृत्व बाराका सांसद गरेका छन् ।

बाराका सांसद शारदा शंकर कलवार र मन्जु थापा ।

जसपाका प्रदेशसभा सदस्य शारदा शंकर कलवार र नेकपा (एमाले) की मन्जु थापाले समितिको नेतृत्वमा पुगेका हुन् ।

कलबार बारा २ (१) बाट स्वतन्त्र निर्वाचित भएका थिए भने थापा समानुपातितर्फबाट सांसद बनेकी हुन् ।

सार्वजनिक लेखा समितिको सभापतिमा प्रमुख प्रतिपक्षी थापा, विकास समिति सभापतिमा कलवार सभापति चयन भएका हुन् ।

nijgadh-supermart-adz1200-630