निजगढका शैक्षिक संस्थाहरूलाई ‘जी टेन’ समूहद्वारा पंखा वितरण

बारा—निजगढ नगरपालिका भित्रको एक सक्रिय युवा समूह ‘जी टेन’ ले आफ्नो सहभागिताको अभियान अन्तर्गत सामाजिक उत्तरदायित्व वहन गर्दै सामुदायिक विद्यालयहरुलाई पंखा वितरण गरेको छ ।

गर्मीको चर्को बढ्दो प्रभावलाई ध्यानमा राख्दै समूहले निजगढ–१३ डमम्वरपुरस्थित शिवशक्तेश्वर आधारभूत विद्यालय, भगवती आधारभूत विद्यालय, र निजगढ–२ स्थित लोकप्रिय आधारभूत विद्यालयमा पंखा वितरण गरेको हो ।

निजगढ १३ डम्बरपुरस्थित श्री शिव शक्तेश्वर आधारभूत विद्यालयमा ५ थान, निजगढ १३ भक्तलालस्थित श्री भगवति आधारभूत विद्यालयमा ५ थान, निजगढ २ स्थित लोकप्रिय आधारभूत विद्यालयमा ८ थान, निजगढ ३ स्थित श्री सरस्वति आधारभूत विद्यालयमा ४ थान, निजगढ ६ स्थित श्री बालविकाश आधारभूत विद्यालयमा ४ थान र निजगढ ४ स्थित श्री जनकल्याण आधारभूत विद्यालयमा ४ थान पंखा वितरण गरिएको हो ।

समूहका सदस्यहरूका अनुसार विद्यार्थीहरूको पठनपाठनमा सहज वातावरण सिर्जना गर्ने उद्देश्यले यो पहल गरिएको हो । समूहले भविष्यमा पनि यस्ता सामाजिक कार्यहरूलाई निरन्तरता दिने प्रतिबद्धता व्यक्त गरेको छ ।

विद्यालय प्रशासनले उक्त सहयोगप्रति धन्यवाद व्यक्त गर्दै यस्तो सहकार्यले विद्यार्थीको सिकाइ वातावरणमा सकारात्मक प्रभाव पर्ने विश्वास व्यक्त गरेका छन् ।

१२ जनाको समुहमा मनोज रेग्मि, मणिश्वर घिमिरे, प्रमोद सुवेदी, नविन खनाल, युवराज दाहाल, राजेश चौधरी, दिलिप यादव, कृष्ण सिं, मुकुन्द बिष्ट, डा. एलिश खडका, चिरन्जिबि घिमिरे, अनिश पोखरेल छन् ।