आर्थिक विकासका लागि गठबन्धनलाई मत दिन आवश्यक छ– प्रकाशमान सिंह

काठमाडौं ।नेपाली कांग्रेसका नेता प्रकाशमान सिंहले संविधानको कार्यान्वयनसँगै आर्थिक विकासका लागि सत्ता गठबन्धनलाई मत दिन आग्रह गरेका छन्। नेता सिंह काठमाडौं क्षेत्र नं. १ बाट कांग्रेसका उम्मेदवार हुन । आज चुनावी प्रचारका क्रममा उनले यस्तो बताएका हुन ।

संसद्को २ कार्यकाल संविधान लेखनमा गएको र एक कार्यकाल संविधान जोगााउन लागेको उनको भनाई छ । उनले अब यसलाई कार्यान्वयनमा लैजानुपर्ने उल्लेख गरेका छन् । संविधानको अक्षरस पालना गरेर स्थिरता र आर्थिक विकासका लागि गठबन्धनलाई मत दिन आवश्यक रहेको उनको भनाई छ ।

उनले अधिकांश मतदाताबाट संघीयता अनुसारको तीन तहले पूर्ण रुपमा काम गर्न नसक्दा संघीयताको महसुस हुन नसकेको गुनासो आएको बताएका छन् । नेता सिंहले यसका लागि कांग्रेसलाई म्यान्डेट दिनुपर्ने जिकिर गरेका छन् । नेता सिंहले तीनै तहलाई अधिकार सम्पन्न गर्नका लागि संविधानको अनूसूचीमा रेहको अधिकारसूची अनुसार कानुन बनाउन आवश्यक रहेको बताएका छन् । यसअघि सरकारमा रहेकाहरुलाई कार्यान्वयनको अबसर थियो तर, संविधान मास्न मात्रै लागि परेको उनले बताए ।