घण्टीमाई साकोसकी अध्यक्ष सिम्खडा ‘सफल महिला सहकारी अभियन्ता’ विधामा सम्मानित

बारा–बाराको जीतपुरसिमरा उपमहानगरपालिका–४ औराहास्थित घण्टीमाई बचत तथा ऋण सहकारी संस्था लिमिटेडकी अध्यक्ष कोपिला सिम्खडा ‘सफल महिला सहकारी अभियन्ता’ विधामा सम्मानित भएकी छिन् ।

वीरगञ्ज उद्योग वाणिज्य संघको आयोजनामा सम्पन्न बृहत महिला सम्मेलन २०८२ मा “सफल महिला सहकारी अभियन्ता” विधामा पूर्व राष्ट्रपति बिद्यादेवी भण्डारीले सिम्खडालाई सम्मानपत्र प्रदान गरेकी हुन् ।

कार्यक्रममा विभिन्न क्षेत्रका उत्कृष्ट महिला उद्यमी, जनप्रतिनिधि तथा सामाजिक अभियन्ताहरूलाई पनि सम्मान गरिएको थियो ।

कार्यक्रममा वीरगञ्ज उद्योग वाणिज्य संघका पदाधिकारी, प्रदेश र स्थानीय तहका प्रतिनिधि, व्यवसायी, महिला उद्यमी तथा सामाजिक अभियन्ताहरूको उल्लेख्य उपस्थिति रहेको थियो ।