skip this hetauda tech

लिबियामा युद्ध अन्त्य गर्ने प्रधानमन्त्री दबेबाको प्रतिवद्धता

393 shares
oil-nigam-amlekhgunj-adv.jpeg

एजेन्सी : लिबियाका प्रधानमन्त्री अब्दुल–हमिद दबेबाले देशमा अर्को युद्ध हुन नदिने बताएका छन् । ‘हामी यस विभाजनलाई कुनै कारणले जारी राख्न दिने छैनौं ।
    लिबियाको प्रतिनिधि सभा (संसद) को विरोधमा यहाँ विरोध प्रदर्शन गरिरहेका आफ्ना समर्थकहरूलाई दबेबाले भने, ‘अब देशमा युद्ध हुनेछैन । हामी विकास र स्थिरतालाई निरन्तरता दिनेछौं ।’ उनले यस वर्षको अन्त्यसम्ममा निष्पक्ष निर्वाचन सम्पन्न गराउन आफ्नो सरकारको उत्सुक रहेको बताए ।
     दबेबाको राष्ट्रिय एकता सरकार (जीएनयू) लाई संयुक्त राष्ट्रसंघद्वारा समर्थन प्राप्त लिबियाली राजनीतिक वार्ता फोरम (एलपीडीएफ) द्वारा फेब्रुअरीमा छानिएको थियो । यसले देशमा वर्षौंको राजनैतिक विभाजनको अन्त्य गरेको विश्व समुदायको बुझाइ छ ।
      सेप्टेम्बर ८ मा संसदले वित्तीय र प्रशासनिक उल्लङ्घनको विषयमा दबेबालाई प्रश्न गर्न एक सत्र आयोजना गरेको थियो । दबेबाले जीएनयूको बजेट लाई संसदबाट अनुमोदन नगर्ने अडान राखेका थिए । मंगलबार संसदले जीएनयूलाई दिएको विश्वास फिर्ता लिने घोषणा गरेको थियो तर यसलाई रेखदेख गर्ने सरकारको रूपमा दबेबाको सरकारलाई नै अख्तियार दिएको थियो ।
    सरकार र आफूमाथिको विश्वास फिर्ता गर्ने संसदको कदमको दबेबाले आफ्ना समर्थकहरूलाई विरोध गर्न आह्वान गरेका थिए । लिबियामा डिसेम्बरमा आम चुनाव हुने विश्वास गरिएको छ ।

nijgadh-supermart-adz1200-630