भोटेकोशी बाढीपीडितका लागि बकैया नागमणी सामुदायिक वन निजगढको १ लाख १ हजार सहयोग

बारा-भोटेकोशी नदीमा आएको बाढीबाट प्रभावित परिवारलाई राहत तथा सहयोग पुर्‍याउने उद्देश्यले निजगढ–८ स्थित बकैया नागमणी सामुदायिक वन समूहले प्रधानमन्त्री दैवी प्रकोप उद्धार कोषमा १ लाख १ हजार १ सय १ रुपैयाँ सहयोग गरेको छ ।

देश विपत्तिमा परेको अवस्थामा आफूहरूले पनि सकेको सहयोग गर्नुपर्छ भन्ने भावनाका साथ उक्त रकम सहयोग गरिएको सामुदायिक वन समूहका अध्यक्ष शालिकराम ढुंगानाले जानकारी दिए ।

बाढी तथा पहिरोबाट प्रभावित परिवारको राहत र पुनःस्थापनामा सहयोग पुगोस् भन्ने उद्देश्यले सामुदायिक वन समूहले सामाजिक उत्तरदायित्वअन्तर्गत सहयोग गरेको अध्यक्ष ढुंगानाले बताए ।

भोटेकोशी बाढीबाट विभिन्न जिल्लामा जनधनको क्षति भएपछि पीडित परिवारको सहयोगका लागि स्थानीय संघसंस्था, विद्यालय, सहकारी तथा विभिन्न समूहले राहत कोषमा आर्थिक सहयोग गर्ने क्रम जारी रहेको छ।