एमाले बारा अधिवेशन : मतगणना जारी, आजै मतपरिणाम आउने
वि.सं.२०८० चैत २४ शनिवार १५:०७
912
shares
बारा–नेकपा (एमाले) बाराको नयाँ नेतृत्वको लागि भएको मतदानको मत गणना जारी छ ।
कलैयास्थित जानकी सिनेमा हलमा मतगणना भईरहेको हो । दिउँसो दुई बजेबाट मतगणना प्रकृया सुरु गरिएको थियो । खसेको ७ सय १४ मतलाई सर्टिङ गरेसँगै गणना सुरु गरिएको हो ।
अधिवेशन अन्तरगत शुक्रबार रातभर भोटिङ भएको थियो । शुक्रबार ५ बजेबाट सुरु भएको भोटिङ शनिबार विहान ३ बजेसम्म चलेको थियो ।
अधिवेशनमा नयाँ नेतृत्वको लागि टिना सुवेदी र अध्यानन्द पाण्डेयले छुट्टाछुट्टै प्यानल खडा गरेर मैदानमा उत्रिएका थिए ।
११ घण्टा चलेको मतदानमा ७ सय १४ मत खसेको छ । ८ सय ३३ मतदाता रहेका थिए ।
वि.सं.२०८० चैत २४ शनिवार १५:०७
