शोभा राउतको १७ वर्षे सहकारी अभियान : निजगढ महिला साकोसदेखि नेफ्स्कुनसम्म
को हुन् शोभा ?
वि.सं.२०८० पुस ९ सोमवार ०९:२०
7.09K
shares
बारा–नेपाल बचत तथा ऋण केन्द्रिय सहकारी संघ (नेफ्स्कुन) मा पुग्ने बाराको पहिलो महिला बनेकी छिन्, निजगढकी शोभा राउत ।
नेफ्स्कुनको ३२ औ साधारणसभाबाट शोभा मधेश प्रदेश भूगोल अन्तरगत संचालक निर्वाचित भएकी हुन् ।
शोभा निर्वाचित भएसँगै नेफ्स्कुन सञ्चालक बन्ने बाराका दुई जना पुगेको छ । यसअघि स्व. डा. कृष्ण पौडेल नेफ्स्कुन सञ्चालक बनेका थिए ।
आईतबार राती सार्वजनिक नतिजा अनुसार एमाले निकट प्यानलबाट प्रदेशतर्फ शोभा निर्वाचित भएकी हुन् । सत्ता गठबन्धन र नेकपा (एमाले) निकट सहकारीकर्मी विच प्रतिस्पर्धा भएको थियो ।
को हुन् शोभा ?
बाराको निजगढ ६ की ४१ वर्षिया शोभा निजगढ महिला बचत सहकारी संस्थाकी अध्यक्ष हुन् । १७ वर्षदेखि सहकारी अभियानमा सक्रिय रहेकी शोभा २०६३ मा स्थापना भएको निजगढ महिला साकोसकी संस्थापक कोषाध्यक्ष हुन् ।
२०७४ मा भएको निजगढ महिला साकोसको १० औं साधारण सभाबाट शोभा अध्यक्ष निर्वाचित भएकी थिईन् ।
उनी बारा बचत तथा ऋण सहकारी संघ कोषाध्यक्ष समेत हुन् । तीन वर्षअघि निर्वाचित भएकी हुन् ।
उनी अखिल नेपाल महिला संघ निजगढ नगर कमिटी अध्यक्ष समेत हुन् ।
वि.सं.२०८० पुस ९ सोमवार ०९:२०
