एमालेको सचिवालय बैठक बस्दै, उप–निर्वाचनको उम्मेदवार टुंगो लगाउने

काठमाडौं। आज उप–निर्वाचनको उम्मेदवार टुंगो लगाउन नेकपा एमालेको सचिवालय बैठक बस्दैछ ।बैठक साढे १२ बजे पार्टी मूख्य कार्यालय च्यासलमा बस्ने उपमहासचिव विष्णु रिमालले जानकारी दिएका छन् ।

चितवन–२ मा जिल्ला अध्यक्ष रामप्रसाद न्यौपाने र तनहुँ–१ मा पूर्व आईजीपी सर्वेन्द्र खनालको नाम लगभग टुंगिएको स्रोतले जनाएको छ । स्रोतका अनुसार उनको सचिवालय बैठकबाट टुंगो लाग्नेछ ।बारा – १ बाट को उठाउने भनेर पनि बैठकमा टु‌ंगो लगाउने जनाइएको छ । बैशाख १० गते उप–चुनाव हुँदैछ ।