सिम्रिक एयर दुर्घटना : क्याप्टेनसहित दुई घाइतेलाई काठमाडौँ ल्याइँदै
वि.सं.२०८० वैशाख २२ शुक्रवार १५:०२
912
shares
काठमाडौँ । संखुवासभामा सिम्रिक एयरको हेलिकप्टर दुर्घटना हुँदा दुईजना घाइते भएका छन् । क्याप्टेन सुरेन्द्र पौडेल र भविन गुरुङ घाइते भएका हुन् ।
उनीहरुलाई सोलुखुम्बुबाट आएको सिम्रिक एयर र नेपाली सेनाको हेलिकप्टरमार्फत काठमाडौँ पठाएको कोशी प्रदेशका डिआईजी राजेशनाथ बास्तोलाले बताए ।
माथिल्लो अरुण हाइड्रो पावरको सामान गोला भन्ने स्थानबाट सिप्रुङमा लैजाँदै गर्दा हेलिकप्टर भोटखोला गाउँपालिका–४ स्थित सिप्रुङमा दुर्घटना भएको छ ।
स्थानीयहरुका अनुसार हेलिकप्टरमा सवार छिरिङ भोटे सकुसल छन् । पंखा पहाडमा टोक्किएर हेलिकप्टर दुर्घटना भएको प्रत्यक्षदर्शीले बताएका छन् ।
वि.सं.२०८० वैशाख २२ शुक्रवार १५:०२
