तीन सातामा भीमफेदीको माण्डु हाइड्रो परिसरमा तीन जना मृत फेला ! अझै पहिचान खुल्न सकेन
वि.सं.२०८० भदौ ८ शुक्रवार १४:३०
1.71K
shares
हेटौँडा–मकवानपुर भीमफेदी गाउँपालिका–८, माण्डु हाईड्रोपावर नजिकै तीन साताभित्र तेस्रो शव फेला परेको छ ।
माण्डु हाईड्रोपावर नजिक बागमती खोलामा एकजना महिलाको शव फेला परेको छ ।
करिब ४० वर्ष उमेर समूहको महिलाको शव फेला परेको मकवानपुरका प्रहरी नायव उपरीक्षक टेकबहादुर कार्कीले बताए ।
शवको हालसम्म सनाखत भएको छैन् । पछिल्लो तिनसाता भित्र माण्डु हाइड्रो परिसरमा ३ जना मृत फेला परिसकेका छन् ।
दुई साता अघि मात्र ३५ वर्षीय पुरुष र १७ वर्षीया एक किशोरीको शव फेला परेको थियो ।
माण्डु हाइड्रोपावरको पानी जम्मा गरी फोहोर छुट्ट्याउने स्थानमा फेला परेको मंगोलियन अनुहारकी ती किशोरीको पहिचान खुलेको छैन । ३५ वर्षिय पुरुषको पनि पहिचान खुल्न सकेन् ।
२०७७ मा कान्तिपुर दैनिकका सहायक सम्पादक बलराम बानियाँको सोहि ठाउँमा शव फेला परेको थियो ।
वि.सं.२०८० भदौ ८ शुक्रवार १४:३०
