skip this hetauda tech

बालुवाटारमा सत्ता साझेदार दलको बैठक सुरु

366 shares
oil-nigam-amlekhgunj-adv.jpeg

काठमाडौँ- मन्त्रिपरिषद विस्तार तथा भागबण्डा टुंगो लगाउन प्रधानमन्त्री निवास बालुवाटारमा सत्ता साझेदार दलको बैठक सुरु भएको छ ।

बैठकमा प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टी रास्वपाका सभापति तथा उपप्रधान एवम् गृहमन्त्री रवि लामिछाने, राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङदेन, जनता समाजवादी पार्टी जसपाका अध्यक्ष उपेन्द्र यादव र जनमत पार्टीका अध्यक्ष सीके राउतलगायत उपस्थित छन् ।

प्रधानमन्त्री प्रचण्ड र एमाले अध्यक्ष ओलीबीच भेटवार्तापछि सत्ता साझेदारको बैठक बोलाइएको हो ।

प्रधानमन्त्री प्रचण्ड र एमाले अध्यक्ष ओलीबीच मन्त्रिपरिषद् विस्तार गर्ने सहमति भइसकेको बताइएको छ । आज राष्ट्रिय शोक दिवस घोषणा गरिएकाले भोलि मंगलबार नयाँ मन्त्रीहरुको सपथ गराउने अनौपचारिक सहमति पनि भएको छ ।

स्रोतका अनुसार रास्वपा र राप्रपालाई तीन मन्त्रालय दिने सहमति भएपनि मन्त्रालय भने टुंगो लागिसकेको छैन । जसपाले भने सर्तसहित सरकारमा सहभागी हुने जनाएको छ । सो पार्टीले उपराष्ट्रपति माग गर्दै आएको छ ।

nijgadh-supermart-adz1200-630