skip this farak Kura Pravakar

यी हुन् १०० अर्ब डलर कमाउने विश्वकै पहिलो महिला

528 shares
oil-nigam-amlekhgunj-adv.jpeg

पेरिस-प्रसिद्ध कस्मेटिक ब्रान्ड लोरियलकी उत्तराधिकारी फ्रान्कोइस बेटेनकोर्ट मेयर्स १०० अर्ब डलर कमाउने विश्वकै पहिलो महिला बनेकी छन् ।

यो फ्रान्सेली सौन्दर्य प्रसाधन कम्पनी बेटेनकोका हजुरबुबाद्वारा स्थापित गरिएको थियो । पछिल्लो समय कम्पनीको शेयर मूल्यमा उल्लेख्य वृद्धि भएको छ । विश्वका धनी व्यक्तिको वरियतामा उनी विश्वकै १२ औँ धनी व्यक्ति बनेकी छिन् ।

गत बिहीबार पेरिसमा लोरियलको शेयरले कीर्तिमानी उचाइमा पुगेको थियो। कम्पनीको बिक्री पनि महामारी पछि सबैभन्दा बढेको छ। ब्लूमबर्ग बिलियनेर्स इन्डेक्सका अनुसार ७० वर्षीय बेटेनकोर्ट मेयर्सको कुल सम्पत्ति १०० अर्ब नाघेको छ ।

यद्यपि, उनी अझै पनि फ्रान्सेली व्यापारी बर्नार्ड अर्नाल्टको १७९ अर्ब डलरको कुल सम्पत्तिभन्दा टाढा छिन् । अर्नाल्ट एलभीएमएच को संस्थापक हुन्, संसारको सबैभन्दा ठूलो लक्जरी समूह हो। यस कम्पनीको पोर्टफोलियोमा फेन्डी र लुइ भिटन जस्ता प्रसिद्ध ब्रान्डहरू समावेश छन् ।

यता बेटेनकोर्ट मेयर्स कम्पनीको बोर्डका उपाध्यक्ष हुन्। उनी र उनको परिवारको लोरियलमा अधिकतम ३५% सेयर छ।
उनकी आमा लिलियन बेटेनकोर्टको २०१७ मा मृत्यु भयो, त्यसपछि उनी उत्तराधिकारी भइन्। लिलियन फ्रान्सको सबैभन्दा धनी व्यक्तिको रूपमा चिनिन्थिन् र फ्रान्सेली नेताहरूसँग उनको नजिकको सम्बन्धको चर्चा हुन्थ्यो।

पछिल्ला वर्षहरूमा उनको एक मात्र छोरी फ्रान्कोइस बेटेनकोर्ट मेयर्ससँग सार्वजनिक विवादहरू सार्वजनिक भएका थिए। बेटेनकोर्ट मेयर्सले एक फोटोग्राफर र समाजसेवीले आफ्नी आमाको मानसिक अवस्थाको फाइदा उठाएको आरोप लगाएकी थिइन् ।

nijgadh-supermart-adz1200-630