बाख्राको मासुलाई खसी बनाएर बेच्नेलाई छाड्न नमान्दा सिडियो विरुद्ध खनिए सांसद श्रेष्ठ

बारा–होली पर्वको अवसरमा बजार अनुगमनलाई तिब्रता दिएका बाराका प्रमुख जिल्ला अधिकारी बसन्त अधिकारीको टोलीले जीतपुर बजार क्षेत्रबाट बाख्रालाई खसी बनाएर बेच्नेलाई पक्राउ ग¥यो ।

पक्राउ परेका व्यक्तिलाई छाड्न बारा क्षेत्र नं. ४ का सांसद कृष्णकुमार श्रेष्ठ किसानले सिडियो अधिकारीलाई दबाब दिए । उनको तर्क थियो–रोजा चलिरहेकाले अहिले छाड्नु प¥यो ।

जनस्वास्थ्यमाथि खेलवाड गरेका व्यक्तिलाई पक्राउ गरेकोमा धन्यवाद दिनुको साटो सांसद श्रेष्ठले छाड्न दबाब दिए । तर, सिडियो अधिकारीले उनीहरुलाई छाड्न मानेनन् ।

त्यसको केहिदिनमा जीतपुर बजार क्षेत्रमै त्यहाँका वडा अध्यक्ष सुनिल गुप्ताको समुहले पशुराम गिरीको घरमा आक्रमण गरेपछि गिरीले बन्दुक पड्काएको घटना सार्वजनिक भयो ।

सांसद श्रेष्ठले यो घटनालाई सांसदमा आवाज उठाए । उनले घटनापछि सिडियो अधिकारीको भूमिकाको विषयमाथि प्रश्न उठाए । घटनाबारे दुवै पक्षविच छलफल गरेको भन्दै त्यसलाई उनले पञ्चायत शैलीमा सिडियो अधिकारीले जिल्ला चलाएको टिप्पणी गरे ।

उनी यतिमै राकिएनन्, संसदमा बोलेको भोलिपल्टै जीतपुर पुगेर सिडियो अधिकारीलाई भ्रष्टचारी भन्दै आरोपित गरे । तालिमको क्रममा जिल्ला बाहिर रहेका सिडियो अधिकारीलाई जिल्ला प्रवेश गर्ने दृष्टता नगर्न चेतावनी दिएका छन् ।

सदनदेखि सडकसम्म आक्रमक रुपमा प्रस्तुत भईरहेका सांसद श्रेष्ठ सिडियो अधिकारीको सरुवा गराउन शक्तिकेन्द्र समेत धाएको स्रोतले जनाएको छ ।

उनी निकटका सामाजिक सञ्जाल प्रयोगकर्ताले सिडियो अधिकारीको सरुवा भएको सूचना समेत प्रवाह गरिहरेका छन् । तर गृह मन्त्रालयलेको आधिकारिक साईडमा भने सरुवाबारे कुनै सूचना प्रकाशित भएको छैन ।

यसैविच नेकपा (एमाले) बाराका सचिव अमृत बजागाईले सांसद श्रेष्ठप्रति इंकित गर्दै यस्ता सांसदलाई के भन्ने ? भनेर टिप्पणी गरेका छन् ।