भेट व्यवसायी बडाललाई पितृशोक !

बारा–  निजगढ ७ याेजनामा रहेकाे कान्तिपुर पाेल्ट्रिका सञ्चालक भेट व्यवसायी ऋषि बडाल (हेमराज) लाई पितृशोक परेको छ । नेपाल पशुपंछी औषधि ब्यवसायी संघका पुर्व अध्यक्ष समेत रहेका ऋषि कान्तिपुर भेट डिष्ट्रिब्युटर्सका संचालक हुन् ।

ऋषिका बुवा मुकुन्द बडाल (दिर्घराज) को ८१ वर्षको उमेरमा आईतबार असमायिक निधन भएको हो ।

दिउँसो १ बजे काठमाण्डौंको शंखमुलस्थित आफ्नै घरमा हृदयघातबाट बडालको निधन भएको पारिवारिक स्रोतले जनाएको छ ।

काभ्रेको खुखाबेसीस्थित बडालथोकमा जन्मिएका बडाल बाराको निजगढलाई कर्मभूमी बनाएका थिए । उनको परिवार तीन दशकदेखि काठमाण्डौमा बस्दै आएको छ । उनका दुई छोरा, दुई छोरी छन् ।