‘जमिन दिलाईदिन्छु’ भन्दै ठग्ने २ जना पक्राउ
वि.सं.२०७८ माघ २४ सोमवार १३:१५
1.03K
shares
काठमाडाैं । सुकुम्बासीलाई ‘जग्गा दिलाउँछौँ’ भनेर काठमाडौं महानगरपालिका–१६ बालाजुस्थित होटलमा फारम भरेर पैसा लिँदै गरेको अवस्थामा प्रहरीले २ जनालाई पक्राउ गरेको छ ।
पक्राउ पर्नेमा झापा घर भएका ३८ वर्षीय होमनारायण चौधरी र काठमाडौंको बुढानिलकण्ठ घर भएका ४४ वर्षीय उद्धव भण्डारी छन् ।
महानगरीय प्रहरी वृत्त बालाजुबाट खटिएको टोलीले आइतबार उनीहरुलाई पक्राउ गरेर अनुसन्धान गरिरहेको छ । ‘भूमि आयोगको कर्मचारी हौं’ भनेर उनीहरुले फारम भरेर आयोगमा बुझाएपछि लालपुर्जा पाइन्छ भन्दै ५० हजारको दरले रकम संकलन गरेका थिए ।
अहिलेसम्म उनीहरुले दुई जनाबाट जनही ५० हजार ठगेको अनुसन्धानबाट थाहा भएको महानगरीय प्रहरी परिसर काठमाडौंले जनाएकाे छ।
वि.सं.२०७८ माघ २४ सोमवार १३:१५
