सिम्रौनगढमा मेयर कलवारले थाले सरसफाई अभियान
वि.सं.२०७९ असोज १३ बिहीवार २२:५०
1.78K
shares
बारा–बाराको सिम्रौनगढमा मेयर किशोरी साह कलवारले नगर सरसफाई अभियान सञ्चालन गरिरहेका छन् ।
सफा, सुन्दर नगर बनाउने उद्देश्यले थालनी गरेका मेयर कलवारको अभियानमा स्थानीय समुदायले समेत साथ दिएका छन् । अभियानमा स्थानीय समुदायसहित नगरका जनप्रतिनिधि, सुरक्षाकर्मी, राजनीतिककर्मी, सञ्चारकर्मी लगायतले पनि सहकार्य गरिरहेका छन् ।
अभियान अन्तर्गत धार्मिक पर्यटकीय क्षेत्र, सार्वजनिक स्थल तथा सडक, बजार क्षेत्रमा सरसफाई भईरहेको छ ।
सिम्रौनगढ एतिहासिक धार्मिक पर्यटकीय क्षेत्र पनि हो । यहाँको कंकाली, रानीबास मन्दिर लगायतका क्षेत्रमा सरसफाई गरिएको छ । सरसफाईको अभावमा लामखुट्टेको बृद्धि हुने र डेङी रोगको संक्रमण फैलिन सक्ने भएकाले नगरपालिकाले सरसफाई अभियानलाई जोड दिएको छ ।
वि.सं.२०७९ असोज १३ बिहीवार २२:५०
