धनी र गरिवको प्यारमा बलिदान सबैको एउटै हुन्छ….

धेरै अहम नदेखाउ भो चिहान सबको एउटै हुन्छ ।
दिनचर्या त फरक होला, बिहान सबैको एउटै हुन्छ ।

विषालु नजरले हेर्ने भए नबोल गुलियो बचन पनि
सोँच यहाँ जन्म मृत्युको विधान सबैको एउटै हुन्छ ।

छन त सबै मान्छेका आ–आफ्नै छन परिभाषा यहाँ
धनी र गरिवको प्यारमा बलिदान सबैको एउटै हुन्छ ।

छन त सबै मान्छेका आ–आफ्नै छन परिभाषा यहाँ
धनी र गरिवको प्यारमा बलिदान सबैको एउटै हुन्छ ।

नलगाउ ठेस कसैको पनि गरेको चोखो विश्वासमा
स्वाभिमान र ईज्जतमा सम्मान सबैको एउटै हुन्छ ।

बल, बिद्या बुद्धिविवेक भाग्य कर्म त फरक होला
भेदभाव नगरी ईश्वरले दिने वरदान सबैको एउटै हुन्छ ।

–सुकेधारा, काठमाण्डौं