skip this hetauda tech

त्यागी स्मृति सम्मान प्रतिभा चयन, १८ बैशाखमा सम्मान गरिने

753 shares
oil-nigam-amlekhgunj-adv.jpeg

काठमाडौ । बीडी त्यागी स्मृति केन्द्रले बीडी त्यागी स्मृति सम्मान २०८० को लागि पाँच प्रतिभा चयन गरेको छ ।

केन्द्रका अध्यक्ष कृष्ण आचार्यको अध्यक्षतामा बसेको कार्य समिति बैठकले बीडी त्यागी स्मृति सम्मान साहित्यकार राधेश्याम लेकालीलाई , एक सय एक रुपैयाँको सिक्काको थैली रहेको बीडी त्यागी स्मृति पुरस्कार साहित्यकार रामचन्द्र दाहाललाई , बीडी त्यागी योगदान सम्मान प्रकाशक तथा साहित्यकार रामदेव पाण्डे र बीडी त्यागी प्रतिभा सम्मान साहित्यकार सरु पोखरेललाई अर्पण गर्ने निर्णय गरेको छ ।

त्यसरी केन्द्रले हरेक वर्ष साहित्यिक गतिविधि र उत्थानका लागि अनुकरणीय कार्य गर्ने गैर साहित्यिक व्यक्तित्वलाई दिइने नेपथ्य सम्मान यस पटक बुढानिलकण्ठ नगरपालिका १२ नम्बर वडाका वडा अध्यक्ष शम्भु भट्टराईलाई अर्पण गर्ने भएको छ ।

उपन्यासकार शङ्कर भारती संयोजक र साहित्यकार गङ्गा पौडेल र सस्थाका महासचिव साहित्यिक पत्रकार निबन्ध आचार्य सदस्य रहेको तीन सदस्यीय प्रतिभा चयन समितिको सिफारिसको आधारमा प्रतिभा चयन गरिएको केन्द्रले जनाएको छ ।

आगामी बैशाख १८ गते साहित्यकार बीडी त्यागीको बिसौ स्मृति दिवसको अवसरमा एक कार्यक्रम बीच सम्मान अर्पण गरिने अध्यक्ष कृष्ण आचार्यले बताए ।

१०८ स्वामी गोपालानन्द गिरी परिचयात्मक काव्य, बन्द झ्यालको शिशा भित्र कथा सङ्ग्रह , उत्पात हास्यव्यङ्ग्य उपन्यास, बैराग्य नाटक, सुभेच्छा कवितात्मक एल्बम, अठार अध्याय गीता महात्म्य, धोती न टोपी लोककथा सङ्ग्रह, समृद्धि सपना राजनैतिक उपन्यास, चार थुम्का उपन्यास सङ्ग्रह कृतिहरु प्रकाशित भएका साहित्यकार बीडी त्यागीको २०६० साल बैशाख १९ गते ६४ वर्षको उमेरमा निधन भएको थियो ।

उनको निधन भएपछि उनको सम्झनामा स्थापना गरेको बीडी त्यगी स्मृति केन्द्रले हरेक वर्ष स्मृति दिवसमा सम्मान अर्पण गर्दै आएको छ ।

nijgadh-supermart-adz1200-630