कोरोना संक्रमण बढ्दै जाँदा त्रिविका परीक्षा सबै परीक्षा स्थगित

त्रिभुवन विश्वविद्यालयले पूर्वनिर्धारित सबै परीक्षा स्थगित गर्ने निर्णय गरेको छ।

बिहीबार एक सूचना जारी गर्दै माघ ९ गतेदेखि अर्को सूचना प्रकाशित नभएसम्मका लागि सबै परीक्षा स्थगित गर्ने निर्णय गरेको परीक्षा नियन्त्रण कार्यालयले जनाएको हो।

कोरोना संक्रमण बढ्दै जाँदा त्रिविका परीक्षा नरोकिएको भन्दै चौतर्फी रुपमा परिक्षा स्थगित गर्न माग भएको थियो ।

त्रिविको सूचनामा भनिएको छ, ‘हाल सञ्चालन भइरहेका अधिकांश परीक्षाहरु सम्पन्न भइसकेका, केही परीक्षा सम्पन्न हुने क्रममा र सञ्चालनको पूर्वतयारी अवस्थामा रहेको र विश्व्यापी रुपमा फैलिएको ओमक्रोम भेरियन्तको तीव्र संक्रमणका कारण उपत्यका र बाहिरका अधिकांश परीक्षा केन्द्रमा परीक्षासँग सम्बन्धित विद्यार्थी, कर्मचारी एवम् प्राध्यापकसमेत संक्रमित भएका कारण त्रिवि केन्द्रीय परीक्षा सञ्चालन समितिको बैठकबाट हाल सञ्चालित वार्षिक तथा सेमेस्टर प्रणालीका सम्पूर्ण परीक्षाहरु माघ ९ गतेदेखि अर्को सूचना प्रकाशित नभएसम्मका लागि स्थगित गर्ने निर्णय भएको छ ।’

तर पूर्वाञ्चल विश्वविद्यालयद्वारा सञ्चालित बीए एलएलबी चौथो वर्षको परीक्षा अनलाइन माध्यमबाट हुनुपर्ने भन्दै काठमाडौँको बुद्ध नगरस्थित कान्तिपुर इन्टरनेशनल कलेजमा आज विद्यार्थीहरुले वैकल्पिक परीक्षाको ब्यबस्था गर, विद्यार्थीको जीवनमा खेलवाड गर्ने भिसी राजीनामा दे जस्ता नारा लेखिएका प्लेकार्डहरु बोक्दै विरोध प्रदर्शन गरेका छन् । यो बिषयमा भने पूर्वाञ्चल विश्वविद्यालय मौन छ ।

यो पनि…..

पूर्वाञ्चल विश्वविद्यालयको मनपरी : स्वास्थ्य मापदण्ड पालनाको अटेर गदै परीक्षा सञ्चालन, विद्यार्थीले गरे विरोध प्रदर्शन