निजगढमा एक महिने श्रीमद् वितक चर्चा एवं श्रीकृष्ण कथा आयोजना हुने

बारा–बाराको निजगढ–६, श्रीकृष्ण प्रणामी धर्मको विशेष पर्वका अवसरमा एक महिने ‘श्रीमद् वितक चर्चा एवं श्रीकृष्ण कथा’ कार्यक्रम आयोजना हुने भएको छ ।

श्रीकृष्ण प्रणामी मन्दिर सन्चालक समिती निजगढ ६ सडकटोलको आयोजनामा हुन लागेको उक्त धार्मिक अनुष्ठान २०८३ श्रावण १८ गतेदेखि भाद्र १९ गते सम्म सञ्चालन हुने भएको हो ।

​प्रणामी समाजका प्रखर विद्वान शास्त्री श्री नविनकृष्ण ढुङेल उपाध्यायको मुखारबिन्दबाट सङ्गीतमय धार्मिक कथा एवं चर्चा प्रवचन हुने आयोजक समितिले जनाएको छ ।

कार्यक्रमको २०८३ श्रावण १८ गते, बिहान ११:०० बजे समुद्घाटन हुने कार्यक्रम तय भएको छ भने हरेक दिन कथा बाचन बिहान ११:३० देखि दिउँसो ३:३० बजेसम्म चल्ने छ ।

रात्रीकालिन समयमा बिबिध धार्मिक तथा सास्कृतिक कार्यक्रम हुने मन्दिर ब्यवस्थापन समितिका सचिव प्रकाश सापकोटाले जानकारी दिए ।