काठमाडौंको कोटेश्वरमा सवारी दुर्घटना हुँदा एक जनाको मृत्यु

काठमाडौं । सोमबार साँझ काठमाडौंको कोटेश्वरमा सवारी दुर्घटना हुँदा एक जनाको मृत्यु भएको छ। कोटेश्वर बालकुमारी जाँदै गरेको बा २ ख १२३१ नम्बरको हायसको ठक्करबाट पैदलयात्री देवकुमार सेनको मृत्यु भएको हो।सेनको बिएन्डबी अस्पतालमा उपचारका क्रममा मृत्यु भएको हो।

दुर्घटनामा हायसका सहचालक विमल सुनार घाइते भएको जनाइएको छ।पैदलयात्रीलाई ठक्कर दिएपछि दायाँ च्याप्दा प्रदेश ३–००६ नम्बरको ट्रकसँग हायस ठोक्किएको प्रहरीले जनाएको छ। हायसको अगाडिको क्षतिग्रस्त भएको छ।