जाजरकोट भूकम्पः थप एक जनाको मृत्यु, मृतकको संख्या १५४ पुग्यो
वि.सं.२०८० कात्तिक २४ शुक्रवार ११:२९
1.39K
shares
काठमाडौं । जाजरकोट भूकम्पमा परेर घाइते भएका थप एक जनाको मृत्यु भएको छ। मृत्यु हुनेमा रुकुम पश्चिमको चौरजहारी नगरपालिका–१, का ३२ वर्षीय निरक विष्ट छन् ।
विष्टको उपचारका क्रममा कर्णाली प्रदेश अस्पतालमा आज बिहान मृत्यु भएको प्रदेश अस्पतालका ड. केएन पौडेलले जानकारी दिएका छन् ।हाल कर्णाली प्रदेश अस्पतालमा २६ घाइतेहरुको उपचार भइरहेको अस्पताल प्रशासनले जनाएको छ ।
योसँगै जाजरकोटको बारेकोट–१ रामिडाँडा केन्द्रविन्दु भएर कात्तिक १७ गते गएको भूकम्पमा परी मृत्यु हुने संख्या १५४ पुगेको छ । रुकुम पश्चिममा ५३ र जाजरकोटमा १०१ जनाको मृत्यु भएको छ ।
वि.सं.२०८० कात्तिक २४ शुक्रवार ११:२९
