रेशमले नाउपा नेपाल दर्ता गराएपछि रन्जिताको प्रतिकृया– भान्जा कविरलाई धेरै धेरै शुभकामना

बारा–नागरिक उन्मुक्ति पार्टी (नाउपा) छाडेर नयाँ दल घोषणा गरेका रेशम चौधरीले नयाँ दल दर्ताका लागि निवेदन दिएपछि नागरिक उन्मुक्ति पार्टीकी संस्थापक अध्यक्ष रन्जीता श्रेष्ठले प्रतिकृया जनाएकी छिन् ।

पूर्व मन्त्री समेत रहेकी श्रेष्ठले सामाजिक सञ्जालमा लेखेकी छिन्–नागरीक उन्मुक्ती पार्टी नेपालको अध्यक्ष भएकोमा भान्जा कविरलाई धेरै धेरै शुभकामना । निर्वाचन आयोगमा पेश भएको कागजातमा पार्टीको अध्यक्ष कबीर सोबलाई गरिएको छ । त्यस्तै, चुनाव चिह्न भने जाँतो प्रस्ताव गरिएको छ ।

रेशम संरक्षक रहेको नागरीक उन्मुक्ती पार्टीमा पत्नी रन्जिता अध्यक्ष थिईन् । रेशम–रन्जित सम्बन्ध विग्रेपछि नयाँ दल नागरिक उन्मुक्ति पार्टी, नेपाल नाम राखेर दल दर्ता प्रकृया थालिएको हो ।

२८ वर्षीय सोब कैलाली टिकापुरका हुन् । चौधरीसँग डा. सीके राउत नेतृत्वको जनमत पार्टी परित्याग गरेका अब्दुल खानलाई उपाध्यक्ष बनाईएको छ ।

अबदुलसँगै थप पाँच जना केन्द्रीय नेताले असोजको पहिलो साता जनमत छोड्ने निर्णय गरेका थिए ।

टीकापुर घटनापछि भूमिगत रुपमा भारी मतले चुनाव जितेका रेशमले पछि आफैं संरक्षण भएर पार्टी खोलेका थिए ।

श्रेष्ठ र चौधरीको समूह फरक–फरक थियो ।