राहदानी बनाई दिने भन्दै रकम लिई ठगी गर्ने एकजना पक्राउ
वि.सं.२०७८ माघ २१ शुक्रवार १४:१३

काठमाडौं । काठमाडौंमा राहदानी बनाई दिने भनी रकम लिई ठगी गर्ने एकजना युवक पक्राउ परेका छन् । पक्राउ पर्नेमा सुनसरीको इटहरी उपमहानगरपालिका वडा नम्बर ५ संगमचोक बस्ने ३५ बर्षीय मनोज सापकोटा रहेका छन् ।
काठमाडौंको त्रिपुरेश्वरस्थित राहदानी बिभागमा राहदानी बनाउन आएका सर्लाहीका सोम बहादुर स्याङ्तानलाई राहदानी बनाई दिने भनी आफूलाई उनले १२ हजार रुपैयाँ लिई सम्पर्कबिहिन भएका थिए ।
महानगरीय प्रहरी बृत्त कालिमाटीबाट खटिएको प्रहरी टोलीले सापकोटालाई नियन्त्रणमा लिएको हो । उनीमाथि ठगी, आपराधिक बिश्वासघात तथा आपराधिक लाभ सम्बन्धी कसूरमा मुद्धा दर्ता गरिएको प्रहरी बृत्त कालिमाटीले जनाएको छ ।
उनी उपर ठगी, आपराधिक बिश्वासघात तथा आपराधिक लाभ (एक्सटर्सन) सम्बन्धी कसूर अन्तर्गत काठमाडौं जिल्ला अदालतबाट ५ दिन म्याद अनुमति लिई थप अनुसन्धान भइरहेको महानगरीय प्रहरी परिसर काठमाडौंले जनाएको छ ।
वि.सं.२०७८ माघ २१ शुक्रवार १४:१३

















