रेखा यादवको कविता : सूचक रेखा

प्रायः रेखा !
प्रतीक्षा गरिरहेकी हुन्छिन !
म भने सोचमग्न हुन्छु ।

• अजिव छ रेखाको प्रतीक्षा !
  शान्त तलाउको पानी जस्तो ।
  शितल चौतारीको वर पिपल जस्तो ।
  गंजघम्म उभिएको पहाडको जस्तो !

नाडीमा घडी बाधेकि छन
भित्तामा झुन्डिएको क्यालेन्डर हेर्दै छन
अधिकांश समय
तिथि मिति घोत्लिदै हराउने गर्छिन् ।

• प्रायः रेखा !
  आफुले आफैलाई नियाल्ने गर्छिन्
  घरी पात्रोमा त घरी नाडीको घडीमा !

कहिलेकाहीँ गफ गर्दै
घन्टौं बिताउने गर्छिन टेलिफोनमा ।
तर
आजकल दृश्य बदलिएको छ ।

• रेखा मौन छे !
  चुपचाप छे !
  टोलाएकी छे !
  कहि हराएकी छे !

तर किन ??
हरेक बिहानी
नयाँ कहानी जन्माउने रेखा
किन आजकल मौन र चुपचाप छे !

• बाटो लामो छ
  कर्कस प्रतीक्षा छ
  जिन्दगीको आयु छोटो छ ।

अकस्मात उ !
प्रतीक्षा र प्रार्थना गर्दै मुस्कुराउछे
अनि केही लेखे जस्तो गर्छे
पर्खाइलाई विश्राम दिन
भित्तेपात्रोमा केहि अंकित गर्दै छे !

• भेट्ने गते र बारलाई घेरा लगाउदै छे
  घडि र पात्रोको तिथि, मिती
  आफ्नो काबुमा ल्याउने प्रयत्न गर्दै छे !

प्रतीक्षामा बसेकी रेखा !
अर्थात !
समयकी सूचक उहीँ तिम्री रेखा !!

-बिराटनगर, हाल : काठमाडौ