धमाधम पक्राउ पर्दै बारामा मोटरसाईकल चोरीमा संलग्न
वि.सं.२०७९ असोज २४ सोमवार २१:०३
1.23K
shares
बारा–बारामा मोटरसाईकल चोरीमा संलग्नहरु धमाधम पक्राउ पर्दै गएका छन् ।
मोटरसाईकल चोरी नियन्त्रणका लागि प्रहरी सक्रिय बनेसंगै केहि दिनयता ११ जना चोरीमा संलग्न प्रहरी नियन्त्रणमा लिएको छ ।
दुई महिनाको अवधिमा ३४ वटा चोरीका मोटरसाईकल पक्राउ गर्न प्रहरी सफल भएको जिल्ला प्रहरी कार्यालय बाराका प्रम्ुख प्रहरी उपरीक्षक होविन्द्र बोगटीले बताए ।
दुई महिनाको अवधिमा पक्राउ परेका मध्ये मोटरसाईकल २४ जना धनीलाई बुझाएको छ ।
मोटरसाईकल चोरी समस्याका रुपमा आएको बताउँदै प्रहरी उपरीक्षक बोगटीले बेरोजगार युवाहरु चोरीका घटनामा संलग्न हुने गरेको बताए ।
उनले जिल्लाको एउटा गाउँमा ६१ जना मोटरसाईकल चोरहरु पहिचान भएको र एउटै समुहले एक हप्तामा ६ वटा मोटरसाईकल सम्म चोरी गरिएको पाईएको जानकारी दिए । उनीहरु सामान्य धरौटीमा रिहा भई पुनः चोरी पेशामा संलग्न हुने गरेका समेत जानकारी दिए ।
वि.सं.२०७९ असोज २४ सोमवार २१:०३
