नवनिर्वाचित राष्ट्रपति पौडेलको शपथ ग्रहण भोली
वि.सं.२०७९ फागुन २८ आइतवार ११:१८
1.17K
shares
काठमाडौं । सोमबार दिउँसो नवनिर्वाचित राष्ट्रपति रामचन्द्र पौडेलले राष्ट्रपति पदको शपथ ग्रहण गर्ने तय भएको छ । राष्ट्रपति भवनमा आयोजना हुने विशेष समारोहमा उनले प्रधानन्यायाधीशसमक्ष राष्ट्रपति पदको शपथ ग्रहण गर्ने छन् । पौडेलले शपथ ग्रहण गरेसँगै उनको औपचारिक पदावधि सुरु हुने छ ।
राष्ट्रपतिको शपथ ग्रहणको विशेष समारोहमा समाचार सङ्कलन तथा छायाङ्कनका लागि राष्ट्रपति कार्यालयले सञ्चार माध्यमलाई सोमबार दिउँसो १ बजे आउन निमन्त्रणा गरेको छ ।राष्ट्रपतिले प्रधान न्यायाधीशसँग शपथ लिने संवैधानिक व्यवस्था छ । नेपालको संविधान अनुसार राष्ट्रपतिको पदावधि पाँच वर्षको हुनेछ ।
वि.सं.२०७९ फागुन २८ आइतवार ११:१८
