मेघ गर्जनसहित निजगढमा वर्षा, अत्यधिक गर्मीबाट सर्वसाधारणलाई राहत

गर्मीका कारण लामो समयदेखि उकुसमुकुस बनेको वातावरणबीच आज मेघ गर्जनसहित परेको वर्षाले निजगढ का स्थानीयवासीलाई ठूलो राहत मिलेको छ। दिउँसोदेखि आकाशमा बाक्लो बादल मडारिन थालेपछि  मेघ गर्जनसहित वर्षा सुरु भएको थियो। वर्षासँगै तापक्रम घटेपछि केही दिनदेखि बढेको अत्यधिक गर्मीबाट सर्वसाधारणले राहत महसुस गरेका छन्।

स्थानीयका अनुसार लगातारको चर्को घाम र तातो हावाका कारण जनजीवन प्रभावित बन्दै गएको थियो। बजार क्षेत्र, सडक तथा सार्वजनिक स्थानमा मानिसको चहलपहल समेत कम भएको अवस्थामा आजको वर्षाले वातावरण शीतल बनाएको छ। वर्षापछि किसानहरू पनि खुसी देखिएका छन्, किनकि लामो समयदेखि पानी नपर्दा खेतबारी सुक्खा बन्दै गइरहेका थिए।

यद्यपि मेघ गर्जनसहितको वर्षाका कारण केही स्थानमा विद्युत् सेवा केही समय अवरुद्ध भएको स्थानीयले बताएका छन्। मौसमविद्हरूले अझै केही दिन देशका विभिन्न स्थानमा चट्याङसहित वर्षाको सम्भावना रहेको जनाएका छन्।