skip this farak Kura Pravakar

जीतपुरमा ५१ वर्षिया बृद्धाले लगाईन् शरिरमा आगो ! उद्धार गरेर अस्पताल पुर्‍याएपनि बचेन ज्यान

मानसिक समस्याले ग्रस्त

2.13K shares
oil-nigam-amlekhgunj-adv.jpeg

बारा–बाराको जीतपुरकी ५१ वर्षिया बृद्धा विन्दा देवीले बिहिबार बेलुका आफ्नै शरिरमा आगो लगाएकी छिन् ।

जीतपुरसिमरा उपमहानगरपालिका वडा नम्बर ७ जीतपुरको रामटोलस्थित घरभित्र कोठामा आगो बलेको देखेपछि विन्दालाई उद्धार गरेर अस्पताल पुर्‍याएको थियो ।

स्थानीय राजेन्द्र गिरिकी पत्नी विन्दालाई उनको छोराले उद्धार गरेर आगोले जलेर गम्भिर घाइते भएकी उनलाई उपचारको लागि वीरगञ्ज लगिएको थियो ।

काठमाडौं लैजादै गर्दा ज्यान गयो

उपचारको लागि लगिएपनि विन्दाको ज्यान गएको छ ।

वीरगञ्जमा उपचार सम्भव नभए पछि थप उपचारका लागि काठमाडौं लैजादै गर्दा बाटोमै उनको मृत्यु भएको प्रहरीले जनाएको छ ।

मानसिक समस्याले ग्रस्त

इलाका प्रहरी कार्यालय सिमराका डिएसपी प्रदिप बहादुर क्षेत्रीका अनुसार विन्दा लामो समयदेखि मानसिक रोगबाट पीडित थिईन् ।

‘बृद्धा महिलाले घरभित्र आत्महत्याको प्रयास गरेको देखिन्छ,’ प्रहरी नायव उपरीक्षक क्षेत्रीले भने–परिवारले बचाउने प्रयास गरेपनि उपचारका लागि लैजाने क्रममा मृत्यु भएको छ ।’

विन्दाले यसअघि पनि पटक–पटक आत्महत्याको प्रयास गरेको पाईएको प्रहरी नायव उपरीक्षक क्षेत्रीले जानकारी दिए ।

शव पोष्टमार्टमको लागि वीरगञ्जस्थित नारायाणी अस्पतालमा लगिएको छ ।

jeetpursimara_10th_nagarsava_suchana
nijgadh-supermart-adz1200-630