निजगढकी एमाले नेतृ अन्जु नेपालीलाई मातृ शोक
वि.सं.२०८२ साउन ९ शुक्रवार ०८:३३
1.75K
shares
बारा–नेकपा (एमाले) मधेश प्रदेश कमिटी सदस्य एवम् अखिल नेपाल महिला संघ मधेश प्रदेश कमिटी अध्यक्ष अन्जु नेपालीलाई मातृशोक परेको छ ।
नेकपा (एमाले) निजगढ नगर कमिटी सदस्य भीमबहादुर नेपाली (सुमन) र सुनिल नेपालीकी ममतामयी माता समेत रहेकी ईश्वरी देवी नेपालीको ६७ वर्षको उमेरमा विहीबार निधन भएको हो ।
क्यान्सरबाट पीडित रहेकी नेपालीको काठमाण्डौंमा लामो समयसम्म उपचार भएपनि बचाउन नसकिएको छोरी अन्जुले बताईन् ।
नेपालीको अन्तिम दाहसंस्कार बकैया घाटमा सम्पन्न गरिएको पारिवारिक स्रोतले जनाएको छ ।
दिवंगत आत्माको चिरशान्तिको कामना गर्दै सामाजिक सञ्जालमा विभिन्न पार्टीका नेताहरुले शोकसन्तप्त परिवारजनप्रति गहिरो संवेदना व्यक्त गरेका छन् ।
वि.सं.२०८२ साउन ९ शुक्रवार ०८:३३
