जीतपुरसिमरा उपमहानगरपालिकाले विद्यालय स्वास्थ्य कार्यक्रम सम्बन्धि समिक्षा तथा अभिमुखीकरण गर्ने
वि.सं.२०८१ वैशाख २५ मंगलवार १७:४५
1.55K
shares
बारा-जीतपुर सिमरा उपमहानगरपालिकाले विद्यालय स्वास्थ्य कार्यक्रम सम्बन्धि समिक्षा तथा अभिमुखीकरण कार्यक्रम गर्ने भएको छ ।
सार्वजनिक तथा संस्थागत विद्यालयहरुमा स्वास्थ्यसंग सम्बन्धित विभिन्न क्रियाकलाप हुदै आएकोमा सो को समिक्षा गर्न तथा विद्यालय स्वास्थ्य कार्यक्रम सम्बन्धि अभिमुखीकरण गर्न लागेकाे हाे ।
सिमरास्थित नेपाल राष्ट्रिय माध्यमिक विद्यालयमा तीन दिन हुने कार्यक्रममा तीन वटा छुट्टाछुट्टै समुहमा समीक्षा र अभिमुखिकरण हुने स्वास्थ शाखा प्रमुख रवि कुमार भास्करले जनाएका छन् ।
बैशाख २७, २९ र ३० गते हुने कार्यक्रम अन्तरगत पहिलो दिन १६ वटा सार्वजनिक माध्यमिक विद्यालय, २९ गते संस्थागत विद्यालय र स्वास्थ संस्थाकाे, ३० गते ४५ वटा सार्वजनिक आधारभुत विद्यालयकाे समीक्षा र अभिमुखिकरण हुने छ ।
विद्यालयबाट प्रधानाध्यापक, स्वास्थ्य शिक्षक, स्वास्थ दुत, स्वास्थकर्मी सहभागी हुनेछन् ।
वि.सं.२०८१ वैशाख २५ मंगलवार १७:४५
