बकैया ठाकुर सामुदायिक वन : अध्यक्षमा राप्रपाका पदमबहादुर श्रेष्ठकाे उम्मेदवारी दर्ता

निजगढ-बाराको निजगढ–९ स्थित बकैया ठाकुर सामुदायिक वन उपभोक्ता समुह अध्यक्ष पदमा राप्रपाका पदमबहादुर श्रेष्ठले उम्मेदवारी दर्ता गराएका छन् ।

भीमधाेज खड्काकाे प्रस्ताव तथा खड्गबहादुर बुढाथोकीकाे समर्थनमा श्रेष्ठले उम्मेदवारी दर्ता गराएका हुन् ।

आगामी नेतृत्वका लागि हुने निर्वाचनका लागि ४ सय ५९ जना मतदाता कायम भएका छन् ।

निर्बाचन मण्डलको कार्यालय, निजगढ सव डिभिजन कार्यालयमा पहिलाे उम्मेदवारी श्रेष्ठले गरेका हुन् ।

अध्यक्षमा उम्मेदवारी दिन दुई हजार, उपाध्यक्षमा एक हजार पाँच सय र सचिव, काेषाध्यक्ष पदका लागि एक हजार, सहसचिवका लागि ७ सय र सदस्य पदमा पाँच सय शुल्क ताेकिएकाे छ ।

समुहका ४ सय ५९ जनाकाे अन्तिम नामावली प्रकाशन गरेकाे हाे । १८ गते मतदान हुदैछ ।