सवारीसाधनको भाडा १० देखि १४ प्रतिशतसम्म बढ्यो, बढेको भाडा आइतबार प्रकाशित गरिने

काठमाडौं । सवारीसाधनको भाडा बढ्ने भएको छ । भौतिक पूर्वाधार तथा यातायात मन्त्रालयले सार्वजनिक सवारीको भाडा बढाएको छ ।

सरकारले यात्रुवाहक तथा मालवाहक सवारी साधनको सार्वजनिक सवारीसाधनको भाडादर १० देखि १४ प्रतिशतसम्म बढाएको हो ।

यातायात व्यवस्था विभागका महानिर्देशक नमराज घिमिरेले बढेको भाडा आइतबार प्रकाशित गरिने जानकारी दिएका छन्। रुटअनुसार भाडा बढाइने उनले बताए ।

पेट्रोलियम पदार्थमा भएको मूल्यवृद्धिको कारण भाडा समायोजन गरिएको उनको भनाइ छ ।