माओवादी नेतृ अरुणालाई पितृ शाेक
वि.सं.२०८० असोज २८ आइतवार २२:४२
2.46K
shares
बारा-नेकपा(माओवादी केन्द्र) निकट नेपाल दलित मुक्ति मोर्चाको केन्द्रीय सदस्य मैयादेवी विक अरुणालाइ पितृ शाेक परेकाे छ ।
निजगढ नगर कार्यपालिका सदस्य समेत रहेकी अरुणाका पिता कविराम सुनारको ५७ वर्षको उमेरमा निधन भएको छ ।
निजगढ वडा नं ५ स्कुलचौर बागदेवस्थित निजि निवासमा निधन भएका सुनारकाे श्रीमती, एक छाेरा र एक छाेरी छन् ।
यसैबीच उनकाे असामयिक निधनको घटनाप्रति नेकपा (माओवादी केन्द्र) का नेताहरुले दुख व्यक्त गरेका छन् ।
पार्टीका प्रदेश सदस्य रविराज दंगालले निधनकाे खबरले मर्माहत तुल्याएकाे बताए । उनले दिवंगत बुबा प्रती हार्दिक श्रद्धाञ्जली एवं शोक सन्तप्त परिवारजनमा गहिरो समवेदना व्यक्त गरेका छन् ।
यसैबीच सुनारकाे शनिबार विहान बकैया खाेलामा अन्तिम दाहसंस्कार गरिएकाे छ । उनलाई छाेरा मदनले दागबत्ती दिएका छन् ।
दाहसंस्कारमा पार्टीका नेता, स्थानीय जनप्रतिनिधिसहित स्थानीय सहभागी भएका छन् ।
वि.सं.२०८० असोज २८ आइतवार २२:४२
