निजगढ १२ मा १६ कट्ठामा लगाएको गाँजा खेती फँडानी गरेर नष्ट
वि.सं.२०८० मंसिर २० बुधवार २१:३०
2.54K
shares
बारा–बाराको निजगढ नगरपालिका वडा नं.१२ को विभिन्न ठाउँमा लगाईएको गाँजा खेती प्रहरीले नष्ट गरेको छ ।
ईलाका प्रहरी कार्यालय निजगढ, बाराबाट खटिएको प्रहरी टोलीले १६ कट्ठामा लगाएको गाँजा खेती फँडानी गरेको हो ।
कुलिया, थली र सालबिसौनीमा २० हजार बोट गाँजा फडानी गरी नष्ट गरिएको जिल्ला प्रहरी कार्यालय बाराले जनाएको छ ।
जिल्ला प्रहरी प्रवक्ता दधिराम न्यौपानेका अनुसार कुलिया र थलीमा एक÷एक कट्ठा र सालबिसौनीमा १४ कट्ठा खेतमा लगाएको गाँजा खेती नष्ट गरिएको हो ।
गाँजाको खेतीमा सलंग्न व्यक्तिहरूको पहिचान तथा खोजतलास गरी कानून बमोजिम कारवाही गरिने प्रहरीले जनाएको छ ।
वि.सं.२०८० मंसिर २० बुधवार २१:३०
