बाराका यी उम्मेदवार जसले टिकट हात पार्न चुनावको पूर्वसन्ध्यामा दल बदले, जसले स्वतन्त्र उम्मेदवारी दिए

काठमाडौं– विचारको आधारमा भन्दा सिट बढाउने स्वार्थ राजीनितिक दलहरुले निर्वाचनका बेला नेता तथा कार्यकर्ता अदलबदल गाराउने गरेका छन् । विचार र सिद्धान्त भुलेर टिकट लेनदेनको सर्तमा पार्टी परिवर्तनको लहर चलेको छ ।

एकवाल मियाँ

लोसपा नेता एकवाल मियाँ एमाले प्रवेश गरेर प्रतिनिधि सभाको उम्मेदवार बनेका छन् । प्रतिनिधि सभा सदस्यका लागि टिकट निश्चित गरेर लोसपा पार्टी परित्याग गरेका उनी बारा–४ बाट एमालेका उम्मेदवार बनेका छन् । उनी २०७४ मा यहि क्षेत्रबाट निर्वाचित भएका छन् । यो क्षेत्रमा सत्ता गठबन्धनले नेकपा (एकिकृत समाजवादी) का कृष्ण कुमार श्रेष्ठ किसानलाई उम्मेदवार बनाएको छ । एकल नाम सिफारिस भएका देवनारायण चौधरीलाई प्रदेशको टिकट दिएर मियाँलाई प्रतिनिधि सभामा टिकट दिएको हो ।

लालबाबु सिंह

कांग्रेस नेता लालबाबु सिंह अन्तिम समयमा पार्टी परित्याग गरेर लोसपमा पुगे । लोसपाले उनलाई प्रतिनिधि सभा सदस्यका लागि बारा क्षत्र नं. ३ बाट उम्मेदवार बनाएको छ । उनी सत्ता गठबन्धका साझा उम्मेदवार बनेका हुन् । कांग्रेसबाट टिकट नपाउने सम्भावना देखेपछि उनी टिकटकै लागि लोसपा प्रवेश गरेका हुन् । उनी २०६४ मा संविधान सभाका सदस्य हुन् । यो क्षेत्रबाट जसपाले संघीय सांसद रामबाबु यादब र नेकपा एमालेले निवर्तमान प्रदेश सांसद ज्वाल कुमारी साहलाई उम्मेदवार बनाएको छ । साह माओवादी छाडेर एमालेमा प्रवेश गरेपछि कारबाहीमा परेकी थिईन् ।

सरोज यादब

मधेस प्रदेशका निवर्तमान सभामुख सरोज यादब लोसपा परित्याग गरि जसपाबाट उम्मेदवार बनेका छन् । उनी जसपाबाट बारा क्षेत्र क्षेत्र नम्बर १ (ख) बाट उम्मेदवार बनेका छन् । उनी मुख्यमन्त्री पदका दाबेदार हुन् । उनी जसपा–एमाले गठबन्धनका उम्मेदवार हुन् ।

उनी निर्वाचन जितेर ह्याट्रिक गर्ने गरि चुनावी मैदानमा उत्रेका छन् । २०७४ मा प्रदेश सभामा निर्वाचित भएका उनी २०६४ मा बारा १ बाट विजयी भएका थिए । दोस्रो संविधानसभाको निर्वाचनमा उनी कांग्रेसका रामअयोध्याप्रसाद यादवसंग पराजित भएका थिए ।

यो क्षेत्रबाट सत्ता गठबन्धनका दुई उम्मेदवार छन् । कांग्रेस र नेकपा (एस) दुवैले उम्मेदवार उठाएका छन् । कांग्रेसबाट नगेन्द्र प्रसाद कानु र नेकपा (एस) बाट बतहु यादब छन् ।

राधा चौधरी

त्यसैगरि नेपाली कांग्रेसकी नेतृ राधा चौधरीले पनि पार्टी परित्याग गरि नागरिक उन्मुक्ति पार्टीबाट प्रदेशसभा बारा–१ (क) मा उम्मेदवारी दर्ता गरेकी छिन् ।

स्वतन्त्र उम्मेदवारी

बाराको चुनावी मैदानमा प्रतिनिधि सभा र प्रदेश सभा दुवैतर्फ पार्टी परिवर्तन गरेर उम्मेदवार बनेका छन् भने केहि चाहिँ स्वतन्त्र उम्मेदवार बनेका छन् ।

सारदा शंकर प्रसाद यादब

प्रदेशको बारा क्षेत्र नं.२ (क) प्रदेश सभामा वर्तमान प्रदेशसभा सदस्य शारदा शंकर प्रसाद कलवारले स्वतन्त्र उम्मेद्वारी दिएका छन् । यसअघि जनता समाजवादी पार्टीबाट विजयी भएका उनीले पार्टीले टिकट नदिएपछि उनले स्वतन्त्र उम्मेदवारी दिएका हुन् ।

रामकिशोर यादब

२०७४ मा बारा क्षेत्र नं. १ बाट उम्मेदवार बनेका रामकिशोर यादबले जसपाले टिकट नदिएपछि बारा क्षेत्र नं.२ मा स्वतन्त्र उम्मेदवारी दिएका छन् ।
यो क्षेत्रबाट सत्तारुढ गठबन्धनबाट नेकपा (माओवादी केन्द्र) बाट शिवचन्द्र कुशवाहा र एमाले–जसपा गठबन्धनबाट जसपाका रामसहाय प्रसाद यादव उम्मेद्वार छन् । उनी पूर्वमन्त्री हुन् ।

शिवनाथ पटेल

बारा क्षेत्र नं.३ (क) प्रदेशसभामा शिवनाथ पटेलले स्वतन्त्र उम्मेद्वारी दिएका छन् । जनता समाजवादी पार्टीबाट प्रदेशसभाको टिकट नदिएपछि लौरो अभियानको हाम्रो नेपाली पार्टीबाट उम्मेदवारी दिएका छन् ।

एकबहादुर श्रेष्ठ

नेकपा (एमाले) ले टिकट नदिएपछि निजगढ गाविसका पूर्व अध्यक्ष एकबहादुर श्रेष्ठले स्वतन्त्र उम्मेदवारी दिएका छन् । एमालेका जिल्ला सदस्य देवराज घिमिरे ‘रमण’ ले पनि स्वतन्त्र उम्मेदवारी दिएका छन् । त्यसैगरि अर्का नेता शिव नारायण चौधरी थारुको पनि स्वतन्त्र उम्मेदवारी परेको छ । त्यस्तै पूर्व निजगढ नगर उपाध्यक्ष चनक भट्टराईले पनि प्रतिनिधिसभातर्फ उम्मेदवारी दिएका छन् ।

यो क्षेत्रबाट एमालले निवर्तमान प्रदेश सांसद त्रिलोकी चौधरीलाई उम्मेदवार बनाएको छ भने सत्ता गठबन्धनका कांग्रेसका रमेश दंगाललाई अघि सारेको छ ।

त्रिलोकी विरुद्ध बारा १ (क) मा एमालेका तीन बागि उम्मेदवार

नारायण क्षेत्री

प्रदेशसभा सदस्यमा स्वतन्त्र उमेदवारी दर्ता गर्नेमा साविक डुमरवाना गाविसका पूर्वअध्यक्ष नारायण क्षेत्रीपनि छन् । क्षेत्री ०५४ सालमा एमालेका तर्फबाट डुमरवाना गाविस अध्यक्ष भएका थिए । क्षेत्री बारा–३ ‘क’बाट उनी उम्मेदवार बनेका हुन् ।

कलामुदीन अन्सारी

बारा ३ को प्रतिनिधि सभा सदस्यमा कलामुदीन अन्सारी बागी उठेका छन् । उनी एमाले प्रदेश कमिटी सदस्य हुन् ।

यो क्षेत्रबाट ज्वाला साह प्रतिनिधि सभा र रवीन्द्रदास श्रेष्ठलाई प्रदेशसभा सदस्यको उमेदवार बनाइएको छ । श्रेष्ठ कलैयाका पूर्वमेयर हुन् । उनी बारा–३ ‘ख’का बासिन्दा भए पनि ३ ‘क’बाट उमेदवार बनाइएको छ ।

यो क्षेत्रमा सत्ता गठबन्धनले माओवादीका मुकेश साहलाई उम्मेदवार बनाएको छ । २०७४ मा कलैया उपमहानगरपालिकाका मेयर प्रत्यासी हुन् ।

उमेश कुशवाह

यस्तै बारा–४ ‘ख’ बाट उमेश कुशवाहले बागी उमेदवारी दिएका छन् । एमालेले टिकट नदिएपछि उनले स्वतन्त्र उम्मेदवारी दिएका हुन् । नेता कुशवाह प्रभु साह निकट हुन् । जसपासंगको गठबन्धनप्रति असन्तुष्टि जनाउँदै साहले पार्टीको टिकट छाडेर स्वतन्त्र उम्मेदवारी दिएका छन् ।

इच्छाबहादुर वाग्ले

व्यवसायि इच्छाबहादुर वाग्लेले नेपाली कांग्रेसबाट टिकट नपाएपछि बारा क्षेत्र नम्बर ४ मा स्वतन्त्र उम्मेदवारी दिएका छन् । यो क्षेत्रमा सत्ता गठबन्धनकातर्फबाट नेकपा (एस) का कृष्णकुमार श्रेष्ठ किसान उम्मेदवार छन् ।

प्रधानमन्त्री देउवा भेटेपछि बारा ४ (क) कि कांग्रेस नेतृ रायमाझीले मैदान छाडिन