सप्तरीमा मोटरसाइकल दुर्घटना, एकै गाउँका तीन जनाको मृत्यु
वि.सं.२०७९ वैशाख १० शनिवार २०:५५
1.61K
shares
सप्तरी । जन्ती जाने क्रममा मोटरसाइकल दुर्घटनामा परेर एकै गाउँका तीन जनाको मृत्यु भएको छ ।
हुलाकी सडकखण्डअन्तर्गत सप्तरीको राजगढ गाउँपालिका–५ मलेकपुरमा भएको मोटरसाइकल दुर्घटनामा हनुमाननगर कंकालिनी नगरपालिका–३ का तीन युवाको मृत्यु भएको हो ।
दुर्घटनामा हनुमानगर कंकालिनी नगरपालिका–३ गिदखोराका ३० वर्षीय पप्पु यादव, सोही ठाउँका २६ वर्षीय सन्दीप यादव र बुच्चु भनिने २५ वर्षीय रञ्जीत यादवको मृत्यु भएको हो ।
सप्तरीको भारदहबाट पथरगाडातर्फ बिहेका लागि जन्ती जाँदै गरेको प्रदेश १–०२४१ प २२९६ नम्बरको मोटरसाइकल र प्रदेश१–०२०४१ प ९५२४ नम्बरको मोटरसाइकल एकापसमा ओभरटेक गर्ने क्रममा ठोक्किएको प्रहरीले जनाएको छ ।
वि.सं.२०७९ वैशाख १० शनिवार २०:५५
