महाकुम्भ मेलाबाट फर्किएका तिर्थालुले निजगढ सेवा घरलाई गरे खाद्यन्न सहयोग

निजगढ–भारतको उत्तर प्रदेशस्थित प्रयागराजमा जारी महाकुम्भ मेला स्नान गरेर फर्किएका बाराको निजगढका तिर्थालुको एक समुहले निजगढ सेवा घरलाई खाद्यन्न सहयोग गरेको छ ।

आफैले पकाएर खान लगेको खाद्यन्न सामाग्री फर्किदा बाँकी रहेको चामल, चिनी, तरकारी लगायत निजग–४ स्थित मानव कल्याण समाजद्धारा सञ्चालित सेवा घरलाई हस्तान्तरण गरिएको हो ।

तिर्थालु टोलीका संयोजक रामहरी खरेल, सावित्री देवी भारती लगायत सेवा घरमा पुगेर त्यहाँ रहेका सडक मानवका रुपमा उद्धार गरेर राखिएका व्यक्तिहरुको लागि सहयोगार्थ सामाग्री हस्तान्तरण गरिएको हो ।

माघ १६ देखि १९ गतेसम्म महाकुम्भ यात्रामा बस रिजर्भ गरेर ३८ जनाको टोली प्रयाग पुगेको थियो । टोली गोरखपुरस्थित गोरखनाथ मन्दिर, कासीबनारश लगायतका तिर्थस्थल समेत पुगेको थियो ।