भावना : अवकाश पछिको जीवन

अवकाश पछिको जीवन
पट्ट्यार लागे जस्तो
काम भए पनि नभए जस्तो
कामै नभए पनि फुर्सद नभए जस्तो
अवकाश पछिको जीवन
कस्तो कस्तो कस्तो कस्तो

केहि गरुँ जस्तो कतै जाउ जस्तो
सोच्दा सोच्दै समय गए जस्तो
अल्ल्मल्लियेर बाटो बिराए जस्तो
अवकाश पछिको जीवन
कस्तो कस्तो कस्तो कस्तो

केहि छुटे जस्तो केहि गुमाए जस्तो
संगै हातेमालो गरि काम गर्ने
सहकर्मी संगको नाता टुटे जस्तो
अवकाश पछिको जीवन
कस्तो कस्तो कस्तो कस्तो

आफ्नै टाई र कोटले पनि जिस्काए जस्तो
हरेक दिन को दस पाँचको नाता तोडिए जस्तो
दिन, गते र बार भुले जस्तो
अवकाश पछिको जीवन
कस्तो कस्तो कस्तो कस्तो

आफ्नै साथीभाई पनि टाढिए जस्तो
आफ्नै छाँया पनि बिलाए जस्तो
आफुमा अन्य कुनै सीप नभए जस्तो
अवकाश पछिको जीवन
कस्तो कस्तो कस्तो कस्तो

फेरि जागिरै खाने जागर नभए जस्तो
दस पाँचमा बाँधिन मनै नभए जस्तो
आफैलाई जतिनै ब्यस्त राख्न खोजे पनि
अवकाश पछिको जीवन
कस्तो कस्तो कस्तो कस्तो

-गौशाला,बत्तीसपुतली
हाल : जोरपाटी