निमा डिसीका तीन मुक्तक

[पहिलो ]

खुसी खोज्दै कोही यहाँ कोही वहाँ पुग्यो
मीठो सपना बोकी मानिस कहाँकहाँ पुग्यो

महलमा छ आज हिजो झुपडीको मानिस
सन्तोष भेटिएन धनले तर जो जहाँ पुग्यो!!

[दाेस्राे]

बिगार्न पर्दा मात्र एकछिन् लाग्छ
बिग्रेको सपार्नु परे धेरै दिन लाग्छ

जोसुकै चिच्याएर धाक लगाएपनि
नेताहरूका भाषण अर्थहीन लाग्छ!!

[तेस्रो]

जसलाई खोजिर्हेँ उसैलाई भेट्न नसकेपछि
फर्किन सकिनँ घरमा पीडा समेट्न नसकेपछि

ढुङ्गा प्रहार गरे वचन चलाए असर परेन कत्ति
थाकेका हुन् दुस्मन पनि लखेट्न नसकेपछि!!

-कोहलपुर, बाँके, हाल भैरहवा