उद्योग परिसंघले गठन गर्‍यो कृषि परिषद्

405 shares
oil-nigam-amlekhgunj-adv.jpeg

काठमाडौं : नेपाल उद्योग परिसंघ अन्तर्गत कृषि विकास परिषद् गठन भएको छ ।
   परिसंघका राष्ट्रिय परिषद् सदस्य विकासकुमार दुगरको नेतृत्वमा परिषद् गठन भएको हो । परिसंघका उपाध्यक्ष कृष्णप्रसाद अधिकारी परिषदमा संयोजक छन् ।
   परिषदले नेपालमा कृषि क्षेत्रको विकासका लागि आवश्यक नीतिगत व्यवस्थाका लागि सरोकारवाला निकायसँग समन्वय गरी कार्य अघि बढाउने बताइएको छ ।
  कृषि क्षेत्रको विकास तथा कृषकको जीवनस्तर सुधारका लागि आवश्यक पर्ने प्राविधिक सहयोगको लागि पैरवी गर्ने उद्देश्यले गठन गरिएको यस परिषदले नेपाली कृषि उत्पादनलाई स्वदेशी तथा विदेशी बजारमा पुर्याउन सहजीकरण गर्नेछ ।
   पहिलो चरणमा नमूनास्वरूप एउटा गाउँपालिकाको पहिचान गरी त्यहाँको माटोमा उत्पादन गर्न सकिने बाली पहिचान गर्ने र त्यस बालीको उन्नतस्तरको बीउबीजन कृषकहरुलाई उपलब्ध गराउने योजना परिषदको रहेको छ ।
   परिषदको सदस्यहरूमा पवनकुमार गोल्यान, प्रेम लामा, डा. दिल्लीराम शर्मा, सागर गौतम, राशी संघाई र सतिश श्रेष्ठ रहेका छन् ।

nijgadh-supermart-adz1200-630